^..يابـ ن ـت ما فـ ي ـه داعي تستـ ف ـزيني .. ^

يابنت ما فيه داعي تستـفزيني
كلمتك هذي وش اللي جاب طاريها

عندي نصيحه وفيها خير طيعيني
النار ما تحرق الا رجل واطيها

ان كان حبي مصيبه لا تحبيني
الحاجه اللي بليا نفس مابيها

عيشي معي لحظة الدنيا وخليني
اعيش وياك حاضرها وماضيها

ابنشغل فيك وانت فكري فيني
الوقت باكر يترجم لك معانيها

طيفك ليا مرني ضايق يسليني
فرحت مشاعر بحبك وحتفي فيها

طبعك تغير وصار الزين بالشيني
العشره اللي لهــا عامين بعتيها

وشلون ابنصفك وانت ما نصفتيني
وهذي بـ ح ـقي كبيرة لو جهلتيها

نسيتي اللي مضى والا تناسيني
الله واكــــبر ليـــالينا نســـــيتيها

النفس طابت وعز النفس يغنيني
الله ولا غيره المـــعبود واليــها

والله ما اسمعك لو انك تنـــاديني
ان كان هذي علومك ويش تاليها

انتي طلبتي بـ ع ـادي ما طلبتيني
واللي يبيع المشاعر كيف يشريها

القصه اللي على درب المحبيني
صارت حكايه وكل الناس ترويها